فـن الخيانـه فنه وفنِ أشكـاله _ _ _ _ _ _ _ _ كم مرت(ن) باعِ خلّه لاجلِ شيطانه
دورِ البطولةِ مثّل واشرك أذياله _ _ _ _ _ _ _ _ كذب وخداع(ن) حتى فاقِ أقرانه
أتقن هو الدورِ حتى جاله ما جاله _ _ _ _ _ _ _ _ظن المسيكين نفسه قدْ رفَعْ شانه
قد صابني طعنت(ن) منْه كانت ابّاله _ _ _ _ _ _ _عندي شهود(ن) عدول(ن) شافو عدوانه
وقلبي طَعَنْ في غيابي قطّع أوصاله _ _ _ _ _ _ _ما شاف حبي تبعثر لا ولا صانه
وين الوفا في طباعه قلت هو ماله! _ _ _ _ _ _ ينكر ويجحد خوي(ن) ياما قد عانه
يا ما تحملت طبعه وسوءِ أفعاله _ _ _ _ _ _ _ ابْكلْ شهامه ومروه يشهد اخوانه
مير الوفا والمروه خابِ ما ناله _ _ _ _ _ _ _ ومانال طيب(ن) ناله بعضِ بزرانه
ترا تدور الدوائر قاله من قاله _ _ _ _ _ _ _ بكل باغِ(ن) ولو طالت له أزمانه
حتى العرب قالت أول كلْ بمكياله _ _ _ _ _ _ _ واسفه حقير(ن) تعالىْ لو بنكرانه
ترا شموخ(ن) بأنفي دايمن ذااله _ _ _ _ _ _ _ ومجد(ن) كسبته وحويته زادِ خذلانه
قل له ترى الظلمِ لابد ينتهي حاله _ _ _ _ _ _ _ لا يحسب أنْ ربي صانه لا ولا عانه
لايرفع الراس حتى لو مَلـَك آله _ _ _ _ _ _ _ حتى يُوصِّـل سلامه للي هوْ خانه
والله لولا عجوز ساءت أحواله _ _ _ _ _ _ _ لجعله يمشي بذل(ن) بين خلاّنه
إن كان ذيبن فانا ذيب بَقْـطَع أذياله _ _ _ _ _ _ _ وحولي ذيابن تبعثر كلِ أسنانه
بنساه أنا وبنْسا دربه وكلِ أشكاله _ _ _ _ _ _ _ لا يحسب أني يجي يومْ اطلب احسانه
