انس ترى النسيان نعمه كبيره _ _ _ _ _ وانس رفيق(ن) منّك اليوم مطعون
ترى السكوت اللي حواني بحيره _ _ _ _ ماهو ضعف غير انك اليوم بالدون
ما هقيـت أنـك عديـم البصيـرة _ _ _ _ _ وما هقيتك ترمي صاحبك وتخون
كنت ابعيوني يا صديقي الصغيرة _ _ _ _ شخص(ن) عظيم(ن) عندك السر مكنون
وبيوم وليلـه تنس كل البـريـره _ _ _ _ _ خيبت ظني وكلِ من فيكِ مفتون
ويا حسافـات السنيـن النويـرة _ _ _ _ _ خصيتها لك دون شك(ن) ولا ظنون
أنا بصوتي لو سمعـت بهديـره _ _ _ _ _ يمكن تشوف الناسِ حولك يبكّون
وبحالك اللي أضحت اليوم سيره _ _ _ _ يمكن يقوم الناسِ بكرة يعزون
وابعد ترى عندي يمين(ن) سعيره _ _ _ _ وفي دروب العز لا لا لا ما تهون
ترا المراجل في علوم العشـيرة _ _ _ _ _ تبطي ولا تجيب علمها لو يقولون
ترا الرجولة ماهي قول(ن) نثيره _ _ _ _ ولا بقولتكِ لاصحابك تمونون
وما هي بقولة سمي لك يا الأميرة _ _ _ _ ولا هي كونك يا حبيبي بمزيون
يـا مـدعيهـا بالعلـوم الحقيـره _ _ _ _ _ _ وقف تراك ابحالك اليوم مجنون
ميـر الرجولـة يا حبيبـي وعيرة _ _ _ _ _ تخصِ ناس(ن) للعهد هم يصونون
ووجوهـم لضيوفهـم هي نويـره _ _ _ _ _ عن الدنائه والخساسه عزيزون
حتى المَرَه في علمهم هي جديـره _ _ _ _ _ لو صابها ما صابها هم يفَزْعون
وانت الي في حب الخنا صرت أسيره _ _ _ عوّد لحال(ن) تعجب الي يصلون
واصحب رجال(ن) بالمراجل خبيرة _ _ _ _ وعن العلوم الخايبه هم بعيدون
وختامها بعـداد عشـر(ن) كثيرة_ _ _ _ _ صلوا على طه النبي يا مصلون
